Ikastorratza

Cuisenaire-ren erregeletak

Txomin — Mon, 21 May 2007 11:02:42 +0200

Horra hor Cuisenaire erregeletak erabiltzearen adibide praktikoa, kasu honetan biderketa taulen ikaskuntza laguntzeko:

Pentsamendu logikoa lantzen

Txomin — Mon, 21 May 2007 10:43:55 +0200

Umetxoen ezagutza logikoaren gaineko ikerkuntzak agertu du 4-5 urte bitartea umeek izan badutela arrazonamendu deduktiboak egiteko gaitasuna baina ahalmen hau oso baldintzatuta bide dago testuinguru eta estrategia metodologikoen aldetik.

Hau dela eta pentsamenduaren estruktura logikoen garapena izaten da matematikaren ikaskuntzako xederik nagusienetakoa.
Sailkapen, segida, ordenazio eta transformazioetarako atazak izaten dira arestiko xedea gauzatzeko erabiltzen diren bitartekoak.

Ondoko kontzeptu mapa honetan ataza mota horien deskribapen eta azalpena dauzkazu.

Neurtuz...

Txomin — Mon, 14 May 2007 11:15:51 +0200

Zera dio wikipediak:

"Neurketa sistema fisikoen propietate behagarrien estimazio kuantitatiboa da"

Bestalde, honako hau ere gaineratzen du:

"Neurketa, patroi hartzen den unitate eta propietatearen arteko konparaziotik eratortzen den ratioaren bidez adierazten da. Hala, esaterako, objektu baten luzeraren neurketa hasiera eta amaierako puntuen arteko tartea eta luzerarako neurtze-unitate estandarren arteko konparaketan datza"

Jakintzaren irudikapen grafikoak

Txomin — Mon, 16 Apr 2007 21:22:04 +0200

Aho bete hortz!

Txomin — Thu, 29 Mar 2007 21:53:41 +0200

Lehenengo lana emateko epea agortu da.

Bikote bakoitzak bere wiki-ra igo behar izan du bere proposamen didaktikoa (hemen eta hor) eta orain gelako aurkezpenak baino ez dira falta.

Guztiok daukagu eskuragarri besteek eginiko lana eta hala, elkarrengandik ere ikas dezakegu.

Edonola ere komentario orokor moduan esan gura dut benetan

Abakoak eta abar

Txomin — Mon, 26 Mar 2007 16:13:10 +0200

Zenbait aldiz atera da saioetan Stanislas Dehaene zientzialariaren izena; izan ere, bereak sone handiko ikerketak izan dira neuropsikologiaren arloan, orokorrean, eta, zehatzago, pentsamendu matematikoaren oinarri fisiologikoak.

Teoriatik praktikara

Txomin — Tue, 20 Mar 2007 20:38:04 +0100

Aurreko saioetan errekurtso praktikoen atalean komentatu genituen ondoko hauek:
Neska-mutilekin oinarrizko kontzeptuak lantzeko era interaktibo eta erakargarri baten bidez kontsultatu gabe ezin duzu utzi ondoko web gune hau.
Bestalde, zenbaki kontzeptua barneratzeko ezinbesteko tresna deritzot abakoari (hementxe aurki dezakezu gelan erabilitako diapoak hori lantzeko). Baina abako bertikalaz aparte soroban izeneko abakoak oso interesgarri dirudi. Hortxe azaltzen da nola erabili

Piageten inguruan

Txomin — Tue, 20 Mar 2007 20:36:19 +0100

Piageten teoriaz ari gara behin eta berriro baina gutxitan izaten da bere esperimentuak ikusteko aukera.
Jarraian zenbait aukera eskaintzen dizkizut horiexek ikusteko.
Lehenengo bideoan zenbaki eta kantitatearen iraunkortasunari buruzkoa da. Benetan interesgarria gelan bertan komentatzeko.

Teknologia berriak, haur hezkuntzan ere

Txomin — Mon, 19 Mar 2007 15:12:16 +0100

Egun zaila da teknologia berriekin topo ez egitea, batez ere hezkuntza arloko esparruetan. Hau egia da baita haur hezkuntzan ere.
Egia esan, teknologia berriak eta ordenagailuak erabiltzea ez da moda kontua. Irakas-praktikak erakutsi digu panazea izan gabe ere, bitarteko erabilgarriak direla zenbait unetan eta zenbait helburutarako.

Tabula rasa?

Txomin — Wed, 14 Mar 2007 08:37:35 +0100

Maiz aipatzen da umeak idatzi gabeko liburuak ala esponjak bezalakoak direla; nolabait azpimarratzeko ezagueraren erakuntzan jatorrizko ahalmenak baino gehiago eragin sozialak eta inguruarekiko interakzio eta esperientzia sentsorialak duten garrantzia.
Beste askotan tabula rasa delako analogia erabiltzen da nabarmentzeko jaiotzetiko umeek adierazten duten gaitasun kognitibo eza.

Pentsamendu matematikoaren oinarri fisiologikoak

Txomin — Wed, 07 Mar 2007 08:37:36 +0100

Pentsamendu matematikoaren sortze eta garatze prozesuak ulertu asmotan, psikologia eta pedagogiaren aldetiko ekarpenak ohikoak bezain baliagarriak dira.
Hala ere asken hamarraldiotan neurozientzien aldetik ere ekarpenak interesgarriak egiten ari dira.
Pentsamendu matematikoaren arloan, ekarpen hauek, batez ere, kognizio zenbakizkoa izeneko jakintza arlotik datorkigu eta zientzialari aipagarrienetakoa Stanislas Dehaene daukagu (Ingelesaraz baino, gurago badituzu beste hauek: 1, 2 eta 3).

Aurkezpena

Txomin — Mon, 05 Mar 2007 10:30:40 +0100

Has gaitezen!
Ikasgai berri honi hasiera emateko jarraian ikasgaiaren gaineko antolakuntzaz zenbait argibide eskainiko dizkizut:
Horra hor ikasgaiaren antolamenduaren gaineko zenbait puntu:

• Egutegia.
• Tutoretza saioak.
• Ikasgaiaren ebaluatzeko puntuak.
• Teknologia berriak.
On dagigula!

Edukiak laburbilduz

Txomin — Tue, 13 Feb 2007 12:24:42 +0100

Haur hezkuntzako taldean ikusitako puntu garrantzitsuenak ondoko hauek dira:

A) Ikasgelan matematikako irakaskuntza suspertzeko tresna manipulatzekoak:

Geroko unibertsitatea WIKI-a izango da

Txomin — Wed, 27 Dec 2006 17:50:34 +0100

Horra hor gonbite bat.
Unetxorik baduzu, irakur itzazu bi artikulu hauek, informazio eta komunikaziorako teknologia berriek irakaskuntzan irekitzen dituzten ikuspegi berriez.
Lehenengo artikulua ¿Quién le enseña a quién? eta María Farber-ek sinatu du.
Wiki erreminta kooperatibo izanik, artikuluaren egileak azpimarratzen du alderdi hori eta irakaskuntza duen eragina.
Bigarren artikulua oso iradokigarria da: La escuela del futuro será un wiki. Mario Núñez-ek sinatzen du

9.jarduera: Zatitzea ez da erreza!

Txomin — Tue, 19 Dec 2006 13:09:56 +0100

Horixe baietz!
Gelan ikusi dugun bezala, oinarrizko eragiketa matematikoen artean akaso zatiketa neska-mutilei gehien kostatzen zaie gehien.
Jazoere honen aurrean iraaksleok prestakuntza didaktiko berezia beahr ditugu.
Ildo honetatik, segituan gai honen inguruan gelan erabilitako diapoak eskaintzen dizkizut.

8.jarduera: Amaituz goaz!

Txomin — Fri, 15 Dec 2006 10:55:04 +0100

Heziketa fisikoko taldean bi tema nagusi izan ditugu.
Alde batetik biderketaren esan gura eta bere didaktika eta bestaldetik geometriaren hastapenak.
Lehenengo puntuari dagokionez horra hor gelako diapositibak eta lotura gehigarri hau eta hori.

Geometriari buruz zuzen, zuzenki, plano, angeluak, angelu motak eta poligonoak izan ditugu aztergai. Hementxe dituzu zenbait osagarri:

Zuk, zer uste duzu?

Txomin — Sat, 02 Dec 2006 23:17:02 +0100

Matematikaren irakaskuntza kezka bazaizu , ez itzazu galdu ondoko artikulu hauek:

hau eta hori

Nire ustez dinamita dira. Zer gertatzen da matematikarekin?
Egokia da geroko irakasleek izaten duten formazioa?
Zerk egiten du kale estatu mailako derrigorrezko mailako ikasleen emaitzak behar bezalakoak ez izateko matematika arloan?

7.saioa

Txomin — Fri, 01 Dec 2006 12:55:38 +0100

Aste honetan zehar gorputz heziketa taldeari dagokionez, zenbaki irrazionalekin segitu dugu pi eta fi direlako zenbakien esangura eta aplikazio didaktikoak ikusi ditugu.
Bestaldetik multiploen gaia ere jorratu ditugu eta kontzeptu honekin batera zenbaki lehena eta faktoreetan zenbakiak deskonposaketa ere.

6.saioa eta 5.jarduera (hau lana!)

Txomin — Tue, 21 Nov 2006 13:04:52 +0100

Heziketa fisikoko saioetan kenketaz jarduten dugu, hementxe aurkezten dizkizuet gelan erabilitako diapositibak.
Besta aldetik zenbaki mota zeintzuk diren eta bakoitzak dituen ezaugarriak birpasatzeko ondoko web gune hau erabil dezakezu.
Geometria, arloan Pitagorasen Teoremaz ari gara.

5.saioa eta 4. jarduera

Txomin — Tue, 14 Nov 2006 13:06:10 +0100

Matematikaren irakaskuntzarako baliabide estrukturalei dagokienez, aste honetan bloke base anitzen erabilpenaz ari gara.
Bitarteko hau oso interesgarria matematikako ikasle hasi berriek beregana ditzaten ondoko bi kontzeptuak: alde batetik zenbaki sistema hamartarrean posizioak duen garrantzia zenbakiaren kontzeptua ulertzeko eta, bestaldetik, lehenengo eragiketa aritmetikoen zentzua ulertzeko (algoritmoa erabiltzen hasi baino lehen).

3. jarduera: Kontzeptu mapa

Txomin — Sat, 04 Nov 2006 09:34:55 +0100

Hirugarren jarduera honen helburua zenbaki naturalak eskolaumeek nola bereganatzen dituzten ulertzean datza.
Hartara ondoko idazki hau prestatu dizuet eta gelan bertan azaltzeko izango da.
Edonola ere gero norberak laburbildu beharko du kontzeptu-mapa bat osatuz.

4. saioa eta 2.jarduera; dena batera

Txomin — Thu, 02 Nov 2006 10:21:42 +0100

Egun eskola saioetan ikasgai dugunaz bi hitz:
Zenbatzeko sistemez ari gara ikasten eta esan bezala bi sistema nagusi aurki daiteke; pozisionalak eta ez posizionalak.
Bi hauen arteko aldea zerean datza; lehenengoetan zenbakiek adierazten duten kantitatea lotuta dago euren posizioari. Bigarrenean, haatik, zenbakiek adierazten duten kantitatea zehaztuta dago, soil-soilik euren sinboloak duen esanahiagatik. Ondoko web-gune hauetan topa dezakezu informazio gehiago.

Ebaluazio jarraituaren lehenengo emaitzak

Txomin — Wed, 01 Nov 2006 23:25:54 +0100

Post honen bidez ebaluazio jarraituaren lehenengo emaitzen berri emango dizuet

Jakina denez wikian burutuko dituzue zenbait jarduera bi helburu erdiesteko:
• Lehenik gelan lantzen ari garen ikasgaien ulertze-mailan sakontzea
• Bigarrenik, irakaskuntzarako teknologia berriek eskaintzen diguten bitartekoak ezagutzea
Ikaskide gehienok ondotxo bete dituzue jomugok.

3. saioa: 10 ikasle mota daude; zenbaki bitarrez kontatzen dakitenak eta ez dakitenak

Txomin — Sat, 28 Oct 2006 23:06:14 +0200

Okertu ote naiz izenburuan?
Ez ezazu uste izan.
Hala ere aitortu behar dut truku egon badagoela baina zein ote?
3.saio honetan landuko ditugun helburuenetakoak du zerikusirik post edo artikulutxo honen helburuarekin.
Edonola ere eta zure kabuz zertxobait ikertu gura baduzu ondoko helbide hau akaso irakurri beharko zenuke. Ikusiko duzunez, zenbakien sistemak delako gaia jorratuko dugu.

1. jarduera: Ikaskuntza-modeloak

Txomin — Thu, 26 Oct 2006 09:26:11 +0200

Ikasgaiaren lehenbiziko jarduera planteatuta daukagu eta datorren astea da aurkeztekoa.
Horra hor bi hitz zer egin behar den gogoratzeko.
Gogoan izango duzuenez, lehenengo saioa ikaskuntza-modeloei buruz jardun genuen; hau da, ikaskuntza prozesuan suertatzen diren jazoerak interpretatzeko dauden modeloez, alegia.

Juegos de ingenio

Txomin — Sun, 22 Oct 2006 21:50:41 +0200

Zer duzu?
Umea aspertuta daukazula?
Ez dakizula nola abiarazi zure ikasleen asmamena? Horra hor ideia bat astia pasatzeko baita gelako matematika saioei pipermin eta grazia puntu bat emateko.

2.saioa: Zer da gehiago 38ren %73 ala 73ren %38?

Txomin — Fri, 20 Oct 2006 23:29:43 +0200

Zenbaki polita, ezta?
Bai, edonor higuintzeko modukoak!
Baina ez zaitez etsi. Seguru dagoela metodo arinik jakiteko zer ote den gehiago: 38ren %73 ala 73ren %38.
Ez dugu ahaztu behar aurreko saioan komentatu genuena; hau da, matematikaren pentsamenduaren funtsa, aurreratze-gaitasunean datzala.
Problema hau mota horretako pentsamendua da; izan ere ez baita beharrezkoa eragiketa batere egitea emaitza jakiteko.

1.saioa: Zenbat modu ezagutzen duzu 4 x 7 egiteko?

Txomin — Sat, 14 Oct 2006 23:45:56 +0200

Ohiko sistema hartuz, memoria erabili dezakegu eta biderketa taulei eutsiz, gogoan izan dezakegu 4 x 7 = 28 direla.
Hau metodo unibertsala bide da baina egon badaude beste modu batzuk.
Esaterako Errusian zerabiltzaten era, bitxia inondik ere.
Behin eta berriro lehenengo faktorearen erdia eta bigarrenaren bikoitza hartzen dira.

Zer ote da materia?

Txomin — Tue, 26 Sep 2006 21:21:40 +0200

Ikasturteko lehenbiziko tema materia da.
Zer ote da materia? Zeri deritzogu materia?

Orokorrean “zerbait” materiatzat jotzeko zerbait delako hori somagarri egin behar zaigu. Hala erraz ondorioztatzen dugu burdina, harriak, ura ala zura materia direla (objektu solido ala likido ikusgarriak diren aldetik).

Baina materia ez da beti “somagarri” eta beste aldetik, hautematen dugun oro ez da beti materia izaten (erdarnioak, esate-baterako). Zein kriterio erabil dezakegu jakiteko zer ote den materia? Wikipediaren arabera, bi irizpide dira erabiltzekoak: espazioa okupatzea eta masa izatea. Ondoko bideo honetan erakusten da nola hautematen ez dugun objektu bat (airea) materiatzat jo behar dugun aipaturiko bi kriterioak erabiliz. ESKEMA

Ikasgaiaren aurkezpena (hasierako saioa)

Txomin — Tue, 26 Sep 2006 15:31:53 +0200

Ondoko puntu hauek ikasgaiaren nondik-norakoa aurkezteko. Hementxe aurkituko duzu informazio zehatza ikasgaiaren helburu, eduki eta ebaluatzeko eraz. Bestealdetik azterketa baten demo ikusi nahi baduzu, begira ezazu hauxe. Nolakoak izango diren gelako kontzeptuak aurrikusteko, begira ezazu horra. Ordutegia eta abar, segituan: