Ikastorratza

Euskarazko Unibertsitate-Liburuen IV. Erakusketa

Txomin — Wed, 15 Oct 2008 18:50:28 +0200

Urtero legez, oraingo honetan ere Euskarazko Unibertsitate-Liburuen IV. Erakusketa datorkigu EIRE-ren eskutik.
Aurten Ikastorratza gonbidatu dute (mila esker, ); ondoko mahai inguru honetan: Web 2.0ko tresnak unibertsitate-testuen ekoizpenerako.
Hartara, baliagarri izan dakizukeelakoan, jarraian eskuragarri doazkizu erabilitako aurkezpena, esteka eta guzti.

Euler-ren zuzena

Txomin — Wed, 15 Oct 2008 17:45:02 +0200

Euler-ren zuzenaren gaineko makila bat informazio aurki daiteke (esaterako, hau hori eta hura).
Hala ere, norberak egitea baino hoberik ez dago ondo ulertzeko.

Aurten gelan zuzen ospetsu hau egin dugu. Geogebra software libre eta ezin interesgarriago erabiliz.

Begira ezazu emaitza: HEMENTXE.

DOAJ eta IKASTORRATZA. Didaktikarako e-aldizkaria

Txomin — Fri, 10 Oct 2008 22:49:47 +0200

Directory of Open Access Journals (DOAJ) nazioarteko aldizkari irekien direktoria da (informazio gehiago hortxe).

Datu base izugarri honetan, mundu osoko kalitate aparteko publikazio zientifiko eta akademikoek metatzen dituzte euren ekarpenak eta, hemendik aurrera, Ikastorratza. Didaktikarako e-aldizkariak bere aportazioak ere egingo ditu.

Ohore eta erantzukizun handia da 3689 aldizkari eta publikazioak batzen dituen datu-base honetan Ikastorratza ere agertzea.

Esan beharra dago euskaraz, beste 4 publikazioak baino ez daudela eta, ondorioz, ardura are handiagoa egiten zaigula.

Bitarteko teknologiko berriak erabiliz

Txomin — Sat, 27 Sep 2008 11:07:02 +0200

Aurtengo irakats-eginkizunetarako euskarri teknologiko berria erabiltzea erabaki dut : google-apps.
Orain arte bestelako tresna erabili ditut; batez ere, wikiak.
Pbwiki-k zerbitzu hona eman ditu (hementxe ikus ditzakezu hainbat lan) baina urrun samar egun google-k eskaintzen dituen abantailetatik.

Prácticas educativas en entornos Web 2.0

Txomin — Sat, 10 May 2008 22:16:05 +0200

Oraingo honetan web 2.0-ren gaineko liburu ezin interesgarriago baten berri emango dut.

Nire lankide Carlos Castaño, Gorka Palazio eta Inmaculada Maizekin batera egin dugu eta benetan testu egokia dela Internet erabiltzeko era berri honen inguruan informazio zehatza eta proposamen didaktikoak jaso gura duenarentzat.

Hementxe duzu informazio gehiago.

e-Aldizkari berria

Txomin — Wed, 05 Mar 2008 12:17:39 +0100

Ikastorratza Didaktikarako e-aldizkaria (begira hementxe) publikazio digital elebiduna da, Gasteizeko Irakasle Eskolan berriki zenbait irakaslek martxan jarri duguna.

Argitalpen honen xedea hezkuntza, irakaskuntza eta didaktika gaiak jorratzen dituzten idazkiei bide ematea da: direla ikerketa-lanak, direla gelarako proposamen didaktikoak ala akaso kontu hauen inguruko gogoeta eta hausnarketak.

Ikastorratza Didaktikarako e-aldizkaria hezkuntza arloko egile orori irekita dago.

Web 2.0

Txomin — Fri, 08 Feb 2008 17:54:46 +0100

Berriki UPV/EHUko Hezkuntza Laguntza Zerbitzuak antolatzen duen irakasleentzako prestakuntza programan parte hartu ahal izan dut, irakasle gisa.

Nire ardurapean izan diren ikastaroak, nola edo hala, Web 2.0-ren inguruan kokatu dira, baita Internet erabiltzeko era berri hauek ahalbidetzen dituzten aukera didaktikoetan ere.

Bosgarren jarduera

Txomin — Thu, 13 Dec 2007 14:25:07 +0100

Honekin batera azken jardueraren berri emango dizuet.

Oraingo honetan segituan eskaintzen dizuedan dokumentuaz jardungo dugu.

Ikusiko duzuenez, geometriaren hastapenei buruzkoa da eta zelako-halako sartzapen erako kontsiderazioez aparte, geometriaren adikuntza ulertzeko erabili den Van Hiele-ren modeloa azaltzen da.

Ikasturtean barrena, bigarren urratsa

Txomin — Thu, 18 Oct 2007 12:55:57 +0200

Honekin batera bigarren eginkizunari egingo diogu aurre.

Jarduera honen berri ondoko lotura honetan aurkituko duzun kontzeptu mapan bertan daukazu eta hantxe, eginkizuna deskribatu ez ezik beharrezkoak izango dituzun dokumentuak irispidean jarri ere egiten da.

Jarduera egiteko CmapTools, berriro ere, erabiliko dugu eta, hartara, zuk zeuk erabiltzeko karpeta pribatua eskuragarri izango duzu ohiko helbidean: IHMC Public Cmaps (3) > users > University of the Basque Country > ikasleak > zeurea.

EHUko udako ikastaroak.

Txomin — Sun, 15 Jul 2007 16:18:43 +0200

2007ko Euskal Herriko Unibertsitateko uda ikastaroetan ikastorratzak ere esku hartuko du; hain zuzen ere, Bilbo, artea eta kultura delako egitasmoan.

Zehatzago, Hezkuntza eta kultura digitalak Web 2.0 kurtsoan ondoko atal honetan: Jardunbide egokiak Web 2.0-n: blog eta wikien erabilera hezkuntzan (Carlos Castaño irakasleak koordinaturik).

Izenburuan agertu legez, web 2.0 delako Internet-a erabiltzeko kontzeptu berriaren gaineko birpasa eskaini gura da baina, ez ikuspegi teknologiko hutsetik abiatuta.

Aitzitik, hizlariak gogoeta didaktikoan errotuko du bere azalpena honako galdera orokor hau ardatz izanik: zertan lagun diezagukete web 2.0 arloko teknologiek didaktika eraginkorragorik diseinatzean?

Agur t'erdi UBUNTU

Txomin — Fri, 15 Jun 2007 23:29:07 +0200

Gaurdanik ikastorratzan idazten dut sistema eragile berri baten bidez: UBUNTU.

Bai windows-en petik ihes egiteko hainbat aldiz pentsatuta banuen ere, orain arte ez naiz ausartu baina azkenean egin dut. Hemendik aurrera linux-en distribuzio hau erabiliko dut nire ordenagailu pertsonalean.

Teachers’ professional training (FOPU, 2007)

Txomin — Tue, 12 Jun 2007 21:56:28 +0200

In June, courses for teachers’ professional training are doing in The University of The Basque Country.

Ikastorratza will take part in a very interesting one about how the new uses of Internet (web 2.0) could encourage more effective educational practices.
In this post you could look at the tools, links and documents that we are using.

The course will be in Basque and Spanish but if you could more information in English you could put in touch with Txomin Villarroel who co-manages this course.
See you.

Aurkezpena

Txomin — Mon, 05 Mar 2007 10:30:40 +0100

Has gaitezen!
Ikasgai berri honi hasiera emateko jarraian ikasgaiaren gaineko antolakuntzaz zenbait argibide eskainiko dizkizut:
Horra hor ikasgaiaren antolamenduaren gaineko zenbait puntu:

• Egutegia.
• Tutoretza saioak.
• Ikasgaiaren ebaluatzeko puntuak.
• Teknologia berriak.
On dagigula!

Geroko unibertsitatea WIKI-a izango da

Txomin — Wed, 27 Dec 2006 17:50:34 +0100

Horra hor gonbite bat.
Unetxorik baduzu, irakur itzazu bi artikulu hauek, informazio eta komunikaziorako teknologia berriek irakaskuntzan irekitzen dituzten ikuspegi berriez.
Lehenengo artikulua ¿Quién le enseña a quién? eta María Farber-ek sinatu du.
Wiki erreminta kooperatibo izanik, artikuluaren egileak azpimarratzen du alderdi hori eta irakaskuntza duen eragina.
Bigarren artikulua oso iradokigarria da: La escuela del futuro será un wiki. Mario Núñez-ek sinatzen du

Galdetegiak eta formularioak egiteko tresnak

Txomin — Fri, 25 Aug 2006 00:01:13 +0200

Beharrezkoa da, batzuetan, irispean edukitzea on-line gisako erremintak...adibidez, galdetegiak egiteko.
Irakasle zein ikasleentzat erabilgarriak izan daitezke.
Segituan komentatuko ditudan tresnen bidez norberak erraz egin dezake galdetegi itxuroso, geroan web-gune ala wiki batean ezarri ahal izateko.

Edukien sindikazioa

Txomin — Wed, 12 Jul 2006 00:05:24 +0200

Informazio eta komunikaziorako teknologia berrien aurrerapenak eskaintzen diguten erreminta interesgarrienetakoa edukien sindikazioa da, nik uste.
Hitz gutxitan esanda, sistema honen bidez ez da beharrezkoa irekitzea web-gune bat ikusteko zer berri dagoen, ez horixe. Edukien sindikazio honen helburua zera da, lortzea lotura bat web-gune batekin zererako eta aldaketa berriak zugana automatikoki bidaltzeko.

Tailerra: Web 2.0 eta irakaskuntza

Txomin — Mon, 03 Jul 2006 13:24:18 +0200

Uztailaren 5 eta 6an La Salle Bilbao ikastetxean Web 2.0 delako kontzeptu berriaren inguruko tailer batean ibiliko gara.
Helburu nagusia kontzeptu horren atzean zein aukera teknologiko berriak aurkitzen diren eta, batez ere, ideia berri honek zein bide berri eman ditzakeen DBHko irakaskuntzarako.

Power point on-line

Txomin — Sat, 24 Jun 2006 23:09:43 +0200

Horixe baietz!
Dagoeneko ez da beharrezkoa zure aurkezpenak batetik bestera eramatea. Sarean bertan zintzilik izan ditzakezu baita burutu eta erakutsi ere.
Nik dakidanez hiru helbide ditugu eskura.

Bideoak!

Txomin — Fri, 23 Jun 2006 11:02:00 +0200

Nire ustez bideoak dira ezinbesteko erremintak egungo irakaskuntzarako. Zenbait alditan irudiren bidez kontzeptu zailak azal daitezke modu erraz batean.
Nire kasuan, batez ere, bi kontutarako erabiltzen ditut bideoak:
a.) Aplikazio informatikoren bat nola erabili erakusteko, tutoriala eginez
b.) Esperimentu ala laborategiko jarduerak erakusteko.

Ezagutza ehunduz: Webquest

Txomin — Mon, 19 Jun 2006 12:12:47 +0200

Webquest-en inguruan jakin beharreko lehen puntua zera da ikaskuntza estimulatzeko metodologia dela eta berau martxan jartzeko teknologia berrien garapenean oinarritzen dela.
Metodologia hau abian jarri zen San Diegoko Unibertsitatean Bernie Dodge irakaslearen eskutik 1995ean.
Zehatzago zer den ulertzeko begira dezakezu ondoko mapa kontzeptual

Azken lanaren emaitzak

Txomin — Wed, 07 Jun 2006 17:50:47 +0200

Lan interesgarria egin duzuena, nola ez. Benetan goraipagarri gehienok egin duzuen lana, uztartzeko zientziaren ikaskuntza eta teknologia berriak. Segituan aipatu gura ditut zenbait aspektu interesgarri lan ezberdinetan topatu ditudanak:

Bizitza, azken zereginaren helburua.

Txomin — Sat, 13 May 2006 22:30:26 +0200

Irudiotan laborategian ditugun azken lagunak: zeta-beldarrak. Animalia ornogabe hauek metamorfosia egiten dute eta oso interesgarriak dira animalien zikloa ikasteko

Blogak eta Alzheimer

Txomin — Fri, 05 May 2006 23:12:59 +0200

Birritan edo, entzunda dut weblog batean aritzeak norberaren osasunean eragin positiboa duela. Hala ere azken berri honi izugarri deritzot. Alzheimer eta ahuldade kognitiboei aurre egin diezaioke, beste ekintzen artean, blogging eginez.

Wiki-wiki

Txomin — Mon, 24 Apr 2006 21:50:27 +0200

Datozen egunetan wikiaren erabilpena aztergai izango dugu eta segituan, martxan jartzea izango da erronka. Plana ondoko hau izango dugu: Aste pare batean guztion artean wiki bat eskukatuko dugu, norberaren prestakuntzarako. Geroan, oinarrizko komandoak eta wikiaren filosofia ezagututa, taldeka sortu beharko dituzue bizitzaren gaiari lotutako wikiak.

Web 2.0 eta irakaskuntza

Txomin — Tue, 11 Apr 2006 23:36:04 +0200

Egun ikaskuntzaren paradigma aldatuz doakigu.
Irakaslearengandik ikaslearenganako transmisio gisako ikaskuntza ereduak huts egiten du behin eta berriro.
Porrot honen sintomak maila orotan topa daitezke: ikaste- prozesuarekiko motibazio falta, ikaskuntza esanguratsuaren urritasuna eta ikasleriaren jokabide pasiboa...