Ikastorratza

DOAJ eta IKASTORRATZA. Didaktikarako e-aldizkaria

Txomin — Fri, 10 Oct 2008 22:49:47 +0200

Directory of Open Access Journals (DOAJ) nazioarteko aldizkari irekien direktoria da (informazio gehiago hortxe).

Datu base izugarri honetan, mundu osoko kalitate aparteko publikazio zientifiko eta akademikoek metatzen dituzte euren ekarpenak eta, hemendik aurrera, Ikastorratza. Didaktikarako e-aldizkariak bere aportazioak ere egingo ditu.

Ohore eta erantzukizun handia da 3689 aldizkari eta publikazioak batzen dituen datu-base honetan Ikastorratza ere agertzea.

Esan beharra dago euskaraz, beste 4 publikazioak baino ez daudela eta, ondorioz, ardura are handiagoa egiten zaigula.

e-Aldizkari berria

Txomin — Wed, 05 Mar 2008 12:17:39 +0100

Ikastorratza Didaktikarako e-aldizkaria (begira hementxe) publikazio digital elebiduna da, Gasteizeko Irakasle Eskolan berriki zenbait irakaslek martxan jarri duguna.

Argitalpen honen xedea hezkuntza, irakaskuntza eta didaktika gaiak jorratzen dituzten idazkiei bide ematea da: direla ikerketa-lanak, direla gelarako proposamen didaktikoak ala akaso kontu hauen inguruko gogoeta eta hausnarketak.

Ikastorratza Didaktikarako e-aldizkaria hezkuntza arloko egile orori irekita dago.

Olentzero

Txomin — Sun, 24 Dec 2006 16:08:33 +0100

Nor ote zen/da Olentzero?
Wikipediak argitzen digu "kontzeptua" ondoko artikulu honetan (ingelesaz eta gazteleraz ere)
Edonola ere, begira ezazu ondoko bideo hau eta zalantzarik ez duzu izango.

Immigrazioa

Txomin — Fri, 01 Sep 2006 16:22:55 +0200

Txanponek bezala errealitateak albo bi ditu, hori eztabaidaezina da.
Bestela immigrazio aferara begiratu besterik ez dago.
Komunikabide batzuetan, telebistan, batez ere, behin eta berriro aritzen zaigu immigranteen ez-legezko etorrerak suposatzen duen hartzeko eta kudeatzeko arazoez.
Gutxiagotan, nik uste, baina batzuetan ere, fenomeno honen atzean dagoen gisa-tragedia ukaezinaz ere ohartarazten zaigu hedabideetan.

Joko eta beste tresna hezigarriak, sarean.

Txomin — Wed, 26 Jul 2006 23:48:10 +0200

Begi-bistakoa da teknologia berriek izan duten aurrerapenek eragin zuzena izan dutela irakasteko eran.
Adibidez, ordenagailu jokoek duten balioa eduki kontzeptual ala jarrerazkoak indartzeko, programak eduki hezigarriak lortzeko eta biblioteka birtualak zergura eta informazio gehiago lortzeko.

Animaliak besterik ez dira?

Txomin — Wed, 26 Jul 2006 17:24:44 +0200

Urtero legez, Gorlizeko festak ditugu eta nola ez!! aurton ere sokamuturra edo zekorrak ditugu. Gainera festa egun batean haurrentzat espresuki prestaturiko zezenketa dago; nolabait, gazte-gaztetatik ohitura hauek gure seme-alabek barnera ditzaten.
Hantxe dago jendea, harmailetan eroso jesarrita, barre algaren artean. Zezen-plazaren erdia ,ordea, balienteak daude, zezentxoari aurre egiten eta haien artean adarrekin asmatu guran, ikuskizunaren protagonista: zezenko urduria. Hau guztiak fanfarri batek isurtzen duen musikaz blai bustirik.

Blogak eta Alzheimer

Txomin — Fri, 05 May 2006 23:12:59 +0200

Birritan edo, entzunda dut weblog batean aritzeak norberaren osasunean eragin positiboa duela. Hala ere azken berri honi izugarri deritzot. Alzheimer eta ahuldade kognitiboei aurre egin diezaioke, beste ekintzen artean, blogging eginez.