Ohiko sistema hartuz, memoria erabili dezakegu eta biderketa taulei eutsiz gogoan izan dezakegu 4 x 7 = 28 direla.
Hau metodo unibertsala bide da baina egon badaude beste modu batzuk.

Esaterako Errusian zerabiltzaten era, bitxia inondik ere.
Behien eta berriro lehenengo faktorearen erdia eta bigarrenaren bikoitza hartzen dira.

Begi-bistakoa denez, lehenengo faktorea 1 denean, bigarrenak adierazten du hasierako biderketaren emaitza.

Esan beharra dago metodoa pixka bat aldatzen dela lehenengo faktorea zenbaki bakoitia bada (adibidez, 13 x 7).
Kasu honetan lehengo faktorea gehi bat idazten da eta zera izan behar da gogoan: amaitu ostean emaitzari kendu behar zaiola bigarren faktorea. Gainerakoan zenbaki bikoitia denean, arestiko metodoa aplika ezazu. Azter dezagun adibidea:

---

Egon badago, hala ere, beste modu bat kalkulu hauek egiteko (eta nire aburuz askoz didaktikoagoa).
4 x 7 zer den jakiteko lehenik ulertu behar dugu lehengo faktoreak adierazten duela 4 unitateko taldea errepikatzen dela bigarren faktoreak adierazten duen beste aldi.
Bestaldetik erreza da jakitea 4 x 10, 40 direla eta kopuru horri kentzen badiogu 4 unitateko hiru talde (aisea jakiten da 12 direla) amen jesus batean jakingo dugu emaitza dela 40 ken 12, hau da, 28.

Beste adibide bat, esate-baterako ikasleek gorroto ohi duten 9 x 7. Kasu honetan lehenbizikoa izan daiteke kontutan hartzea 9 unitateko 7 talde eta 7 unitateko 9 talde kopuru bera direla.
Hala 7 x 9 errazagoa da; izan ere 7 x 10 = 70 eta 7 unitateko talde bat kenduz gero, emaitza zera da: 63.
Metodo honek luzeagoa eman dezake, baina nire aburuz didaktikaren ikuspegitik, abantaila handiak dakartza.
Lehenbizi prozeduraren aldetik ahalbiderazten du biderketaren ulerkortasun handiago; izan ere biderketa kontzeptualki hobeto ulertzeko bidea ematen du. Puntu honek ezartzen ditu geroko kontzeptuen sarrera; izan ere, haurtzaroan biderketaren muina ondo ulertu gabe, nerabezaroan nekez ulertuko da nola (- 4) x (- 5) ematen ote duen zenbaki positiboa.
Bestaldetik memoria baino gehiago zenbakiekin jokoa bultzatzen du, betiere emaitza lortzeko bide ezberdinak onartuz. Puntu honek motibaziorako bide gehiago ematen ditu, memoriaz biderketa taulak ikasteak baino.

Interesgarria izan daiteke erlazionatzea matematika ikaskuntza ulertzeko paradigma ezberdinak, arestian erakutsitako biderketa egiteko eraz.
Horra hor kontzeptu-mapa bat ulertzeko zeintzuk diren paradigma hauek (hauxe duzue ikasgaiaren bigarren gaia: matematikaren ikaskutzarako modeloak).