kaixo Txomin!

Guztiz ados nago zurekin arlo batean. Izan ere, egia da emakumeek egin beharreko lan bat dela ematen duela, eta nahiz eta ez lukeen honela izan behar, gaur egun emakumeek betetzen duten behar bat da.

Eta bai, gauza hauek pixkanaka, geuri dagozkigun esparruak eraldatuz, konpontzen joan behar gara. Zergatik jarri emakume bat haurraren oihalak aldatzen?

...baina zuk ordezkatzeko jarri duzun irudi horrek ez nau konbentzitu inondik inora ere. gauza bat "konpondu" egiten duzu horrekin, nolabait esateko, baina beste gauza askok ezkutuan jarraitzen dutela iruditzen zait niri.
Non daude guraso homosexualak esaterako?
Ez al da diskriminatua sentituko gizon edo emakumezko bik osaturiko familia?

Gaur egun irudien erabilpen oso okerra egiten dela iruditzen zait niri. Txikitatik ipuinen bidez eta abar, sistema honek ezartzen dizkigun balore atzerakoiak barneratzen dizkigute irudi sexisten bidez, gizon eta emakumeei balore desberdina emanaz, euren rolak finkatuz, geure etorkizuna prefabrikatuz. Ez naiz halere gai honetan sakonduko...baina...zein balore dute benetan zuk marrazki horretan aurkezturiko pertsonaia haiek???

Familia mota bakarra irudikatu ez ezik, jendarte honek duen benetako aniztasuna ere estaltzen ditu. Izan ere, denok desberdinak gara.

Zergatik ez jarri aldagelako atean kolorez josiriko marrazki anitz? horiek baina irudi politagoak eta alaiagoak badakizkigu egiten, eta gainera mundu honetako aniztasuna islatuko dugu: gazte eta helduak, lodi eta meheak, azal zuri eta beltzaranak, elbarritu eta diskapazitatea duten pertsonak... honela aldagela horretako atea jendearen benetako ispilu izango da.

Zer iruditzen zaizu?

Bitxia zure erantzuna.
Alde batetik esan behar dut jarri dudan bigarren marrazkia ez dagoela jarrita "alternatiba" moduan. Soil-soilik apaintzako jarri nuen. Testuan adierazten dudan bezala, aukeran, gizon baten irudia jarriko nuke.
Hala eta guztiz ere aitortu behar dut ez niola erreparatu zuk erakusten duzun alderdi horri. Egia da, oharkabean pasatzen utzi badut ere, beste familia motak daudela (homosexual, aita ala ama bakarrekoak,...) eta nik agertzen dudan bigarren marrazkia jarriz gero, beste diskriminazio mota bat egingo litzatekeela.
Zer esan?
Gai hauetaz gogoeta eta ikuspegi ezberdinen arteko adostasuna
ezinbestekoa direla, inor kanpoan ez uzteko.
Edonola ere esango dizut Gobelako kiroldegian karteltxo hori aldatzeko iradokizuna dagoeneko egin dudala. Ikusiko dugu zer erantzungo!!
Mila esker oharragatik.