Ikastorratza

Irakurtzeko eta parte hartzeko gonbitea

Txomin — Sun, 28 Feb 2010 13:20:00 +0100

IKASTORRATZA. e-Revista de Didáctica argitalpenaren ale berria eskuragarri dago ondoko esteka honetan.

Ohi den bezala, hezkuntza arloarekin loturiko gaiez horniturik datorkigu eta 5. edizio honi hasiera ematen zaio arte plastikoen irakaskuntzaren esparruan Pablo Lekue irakasleak buruturiko ikerketaz.

Bestalde, Uri Ruiz Bikandi irakasleak irakurketa-idazketari buruz eginiko konferentzia ezin interesgarriago laburbiltzen du argitalpen honen bigarren artikuluan.

Eduardo Zelaietak, Arabako Campuseko Esperientzia Geletan izandako bizipen eta esperientzien berri luzatzen dizkigu. Amaitzeko, Margarita Miñon irakasleak ixten du edizio hau, berak zuzenduriko proiektu batekin matematikaren didaktikaren arloan.

International Symposium Elementary Mathematics Teaching

Txomin — Thu, 27 Aug 2009 15:38:00 +0200

Charles University-ko matematika eta matematikaren didaktika departamentuak urtero antolatzen du nazioarteko oinarrizko matematikaren irakaskuntzari buruzko sinposium eta oraingo honetan ikastorratza Pragara hurbildu da bere ekarpena egitera.
Hain zuzen ere, Margarita Miñón eta Teresa Nuño-rekin batera burutu dudan ikerketaren berri ematera.

Bilkura ezin interesgarriagoa alde batetik nazioarteko mailan irakaskuntza arlo honetan zer ikertzen den ikusteko eta, bete aldetik, kontaktu berriak egiteko.

Prestaturiko aurkezpena gainbegiratu gura baduzu horra hor (zenbait esteka eta bideo interesgarri dakar eta!)

Hementxe duzu parte hartzailearen zerrenda

Estalaktita turkesak

Txomin — Wed, 12 Aug 2009 20:55:00 +0200

Harritzekoa!
Argazkian ikusten duzun bezala, turkesa koloreko estalaktitak aurkitu genituen Arditurri kobazuloan.
Txundigarria!

Aukeran izanez gero, ez galdu erromatarren garaietan ere ustiatua izan zen meategi hau. Bisitaldi gidatu ezin hobeak.
Iduriek mila hitzen balioa dutenez, horra hor argazki pase bat.

(Beste abenturak)

Gorliz

Txomin — Sun, 31 May 2009 17:05:00 +0200

Ikusmen-zolitasun froga:

Zer da sobera Gorlizeko hondartzan?

Ez baduzu argi, begira ezazu hementxe.

Airea egon badago!

Txomin — Tue, 26 May 2009 19:30:00 +0200

Ikasteko jarduerak,...google ere!

Txomin — Tue, 26 May 2009 18:44:00 +0200

Batzuetan google noraino ailegatuko ote den beldur naiz; izan ere gero eta erreminta ezin interesgarriagoak sortzen ditu , gero eta beharrezkoago bihurtuz.
Oraingo honetan google-docs-en bidez sortu, partekatu eta publika ditzakegun flash-cards txantiloiak ditugu.
Jarraian adibide bat duzu. Tresna ezin hobea birpasak egiteko.

Lituania eta Portugal

Txomin — Tue, 26 May 2009 18:15:00 +0200

Azken bolada honetan Ikastorratza urrun samar ibili da.

Alde batetik,Vilnius-en izan da (Lituania), Gediminas Technical Universitateak antolaturiko astean parte hartuz.

Ponentziaren muina lan kooperatiboa suspertzeko informazio eta komunikazio teknologiak nola erabil daitezkeen erakustea zen eta hartara, materiala prestatu zen blog baten bidez. Hementxe duzu ikusteko.

Bigarren ponentzia, Europako beste muturrean izan zen, Setúbal-en (Portugal).
Berriro ere, nazioarteko aste batean parte hartuz baina, kasu honeta, hango Instituto Politécnico-an.
Ponentziaren gaia bestelakoa izanik ere (pentsamendu matematikoaren jatorria eta garapena) beste blog bat ere erabili zen eta hortxe duzu.

La fórmula preferida del profesor

Txomin — Thu, 19 Mar 2009 12:44:00 +0100

Ikerkuntza-kide dudan Margaritak gomendio eta komentarioa bidali dizkigu La fórmula preferida del profesor liburuaren inguruan.

Bere aburuz, matematikaren ikaskuntzaz loturik dagoen liburu honek lortzen du, modu erraz eta poetiko batean, azaltzea matematikak zer diren eta zein erlaziorik duten sentimenduen eremuarekin baita kulturarekin ere.
Antza, gazte jendeari ezbairik gabe gomenda dakioke liburu hau; pasarte bakan batzuk erabat ulertu gabe geratu arren. Liburu hunkigarria.

Yoko Ogawa japoniarra dugu liburu honen idazlea. Egile sendoa da, 20 obra baino gehiago argitaratu dituena.
Diotenez, suabe baina, aldi berean, sakona den prosa baten bidez idazle kapaz da giza-psikologiaren funtzionamendua dotorezia handiz deskribatzeko.

Badirudi egile honek 2006 aurkeztu zuela matematikaren inguruko beste liburu bat:

Gmail eta dokumentazioaren kudeaketa

Txomin — Sun, 08 Mar 2009 15:21:00 +0100

Dokumentuak kudeaketarako oso artikulu interesgarria irakurri berri dut DiarioLinux-en; izan ere, azken bolada honetan dezente kezkatuta nauka asmatzeak nola kudeatu hainbat esparrutan pilatzen dudan dokumentazioa.

Errandako artikuluan oso aukera interesgarriak aipatzen dira (begira hementxe) eta beraiek aztertu ostean konturatu naiz, azken finean, dokumentuen kudeaketa eraginkorra etiketa edo tag-en kudeaketan baino ez datzala.

Dokumentazio bateko (curriculum, kontabilitatea, argazki-bilduma,...) elementu bakoitzari berezko etiketak atxiki dakizkioke, geroan elementu hori dokumentu meta batetik berreskuratzeko baliagarri suerta dakigukeela.

Segurtasuna

Txomin — Sun, 25 Jan 2009 19:37:00 +0100

Ordenagailua babesteko norberak zer egin dezakeen, lelo horixe izan dugu azken bolada honetan zenbait elkarrizketan.

Juanjok eta Mikelek nik zer egiten dudan azaltzeko eskatu didate eta horixe esplikatzeko asmotan nago.

Hasteko, nire aburuz, sistema eragilez aldatzea ezinbestekoa da. Linuxeko distribuzioetako bat erabiliz gero (esaterako, ubuntu) buruko min gehienak ahaztuko dituzu eta firewall bat baino ez duzu beharko zure ordenagailua aski babestuta izateko (nik firestarter erabiltzen dut).

Alabaina, zu apika izango zara windows ahaztu gura ez dutenetakoa ala, akaso, zure ekipoan bi sistema eragileok erabili nahi dituzu. Kasu honetan (hau da, windows-en kasurako) nik hiru tresna doako hauek erabiltzen ditut:

Analfabetorik ez Bolivian!

Txomin — Wed, 31 Dec 2008 16:32:00 +0100

Urte honetan zehar kontaezinak dira maila pertsonalean zein espazio publikoan izandako jazoerak, berriak eta gertaerak.

Lerro hauetan zilegi bekit nabarmentzea notizia bat gure artean oharkabean pasatu arren, ni aho bete hortz utzi ninduena eta hezkuntza arloarekin arras lotuta dagoena:

Bolivia analfabetismo gabeko herria da.

Homotezia

Txomin — Thu, 27 Nov 2008 20:30:00 +0100

Oraingo honetan homotezia ikus dezakezue ondoko tresna hau erabiliz (egizu klik hementxe bertan).

Bestalde, informazio osagarria aurki dezakezu hemen, hor eta han.

La divina Geometría

Txomin — Thu, 27 Nov 2008 09:33:00 +0100

Geometria zaila egiten zaizula?
Gusturik ez diozula hartzen zirkulu eta zuzenak egiteari?
Geometria kontzeptuak birpasatu gura dituzula?
Gabonetarako zer erosi ez dakizula?

Horra hor konponbidea: La divina Geometría.

Ikastea ez da zertan izan erreza baina bai atsegingarri eta, nire ustez, liburu honen egileak lortu du geometriaren kontzeptu oinarrizkoen inguruan birpasa elegante eta laketgarri.

Bilatu hitza...

Txomin — Tue, 25 Nov 2008 08:44:00 +0100

Pythagoras' theorem

Txomin — Sun, 16 Nov 2008 14:09:00 +0100

Bederatzi puntuko zirkunferentzia

Txomin — Thu, 23 Oct 2008 12:16:00 +0200

Bederatzi puntuko zirkunferentziaz (info) zenbait aipamen interesgarri egin daitezke.

Lehen-lehenik, begira ezazu nolakoa den HEMENTXE.

Euskarazko Unibertsitate-Liburuen IV. Erakusketa

Txomin — Wed, 15 Oct 2008 18:50:00 +0200

Urtero legez, oraingo honetan ere Euskarazko Unibertsitate-Liburuen IV. Erakusketa datorkigu EIRE-ren eskutik.
Aurten Ikastorratza gonbidatu dute (mila esker, ); ondoko mahai inguru honetan: Web 2.0ko tresnak unibertsitate-testuen ekoizpenerako.
Hartara, baliagarri izan dakizukeelakoan, jarraian eskuragarri doazkizu erabilitako aurkezpena, esteka eta guzti.

Euler-ren zuzena

Txomin — Wed, 15 Oct 2008 17:45:00 +0200

Euler-ren zuzenaren gaineko makina bat informazio aurki daiteke (esaterako, hau hori eta hura).
Hala ere, norberak egitea baino hoberik ez dago ondo ulertzeko.

Aurten gelan zuzen ospetsu hau egin dugu. Geogebra software libre eta ezin interesgarriago erabiliz.

Begira ezazu emaitza: HEMENTXE.

DOAJ eta IKASTORRATZA. Didaktikarako e-aldizkaria

Txomin — Fri, 10 Oct 2008 22:49:00 +0200

Directory of Open Access Journals (DOAJ) nazioarteko aldizkari irekien direktoria da (informazio gehiago hortxe).

Datu base izugarri honetan, mundu osoko kalitate aparteko publikazio zientifiko eta akademikoek metatzen dituzte euren ekarpenak eta, hemendik aurrera, Ikastorratza. Didaktikarako e-aldizkariak bere aportazioak ere egingo ditu.

Ohore eta erantzukizun handia da 3689 aldizkari eta publikazioak batzen dituen datu-base honetan Ikastorratza ere agertzea.

Esan beharra dago euskaraz, beste 4 publikazioak baino ez daudela eta, ondorioz, ardura are handiagoa egiten zaigula.

Hitzik ez

Txomin — Fri, 10 Oct 2008 22:26:00 +0200

Bitarteko teknologiko berriak erabiliz

Txomin — Sat, 27 Sep 2008 11:07:00 +0200

Aurtengo irakats-eginkizunetarako euskarri teknologiko berria erabiltzea erabaki dut : google-apps.
Orain arte bestelako tresna erabili ditut; batez ere, wikiak.
Pbwiki-k zerbitzu hona eman ditu (hementxe ikus ditzakezu hainbat lan) baina urrun samar egun google-k eskaintzen dituen abantailetatik.

Matematika eta zientziak ITK-ren bidez

Txomin — Wed, 03 Sep 2008 17:51:00 +0200

Hezkuntza Ildo berriak Fundazioak antolatzen duen mintegietan Ikastorratza-k ere parte hartuko du.

Bere ekarpena zera izango da: ikaskuntza zientifikoa suspertzeko informatika teknologiek eskaini ditzaketen aukera eta adibideez mintzatu eta praktikan jartzea, beti ere, derrigorrezko hezkuntzara begira.

Jakina da ugari direla xede hauekin lotuta egon daitezken aplikazio, software eta proposamenak baina, kasu honetan, ikastaroa ondoko hiru arlotara bideratuko da:

Prácticas educativas en entornos Web 2.0

Txomin — Sat, 10 May 2008 22:16:00 +0200

Oraingo honetan web 2.0-ren gaineko liburu ezin interesgarriago baten berri emango dut.

Nire lankide Carlos Castaño, Gorka Palazio eta Inmaculada Maizekin batera egin dugu eta benetan testu egokia dela Internet erabiltzeko era berri honen inguruan informazio zehatza eta proposamen didaktikoak jaso gura duenarentzat.

Hementxe duzu informazio gehiago.

Espageti irrazionalak edo Fibonacci errezeta.

Txomin — Tue, 15 Apr 2008 12:33:00 +0200

Microsiervos-en ustez honako formula hau aintzat hartu behar da espageti apetitoso eta zaporetsu prestatzeko:

Kilo bat pasta
Bi arrautza
Hiru tipula
Bost zerra hirugihar
Zortzi koilarakada koipe
Hamahiru zatitxo gazta parmesanoa

Delaunay, aipu.

Txomin — Tue, 08 Apr 2008 22:08:00 +0200

1912 Robert Delaunay zenbait oihal aurkeztu zituen kolorearen gorespena aldarrikatzen zituztenak.

Bere ideia, kolore eta kontrasteak besterik ez zituzten artelanak proposatzea zen eta ildo honetatik abstrakzioari bide berriak ireki zizkion.

Koloreak dira, hain zuzen ere, Mireia eta Saioak hementxe aurkezten dizkiguten gaietako bat.

Zango eta hankei buruz

Txomin — Tue, 01 Apr 2008 09:55:00 +0200

Lehengo batean irakurri nuen handik ala hemendik joko sinpatiko bat, ezagutzen ez baduzu zer pentsa emango dizuna.
Hala dio:
Autobus batean 7 neska-mutil doaz eta bakoitzak 7 motxila daramatza. Motxilek, ordea, 7na kateme gordetzen dute eta katemeek zazpina katakume dituzte. Zure ustez zenbat hanka eta zango daude guztira autobusean?

Esan bezala igarkizun sinpatikoa da, matematika aldetik erreza baina zolitasun puntu bat eskatzen duena.

e-Aldizkari berria

Txomin — Wed, 05 Mar 2008 12:17:00 +0100

Ikastorratza Didaktikarako e-aldizkaria (begira hementxe) publikazio digital elebiduna da, Gasteizeko Irakasle Eskolan berriki zenbait irakaslek martxan jarri duguna.

Argitalpen honen xedea hezkuntza, irakaskuntza eta didaktika gaiak jorratzen dituzten idazkiei bide ematea da: direla ikerketa-lanak, direla gelarako proposamen didaktikoak ala akaso kontu hauen inguruko gogoeta eta hausnarketak.

Ikastorratza Didaktikarako e-aldizkaria hezkuntza arloko egile orori irekita dago.

Zenbaki sistemaz mintzo

Txomin — Wed, 05 Mar 2008 11:17:00 +0100

Web 2.0

Txomin — Fri, 08 Feb 2008 17:54:00 +0100

Berriki UPV/EHUko Hezkuntza Laguntza Zerbitzuak antolatzen duen irakasleentzako prestakuntza programan parte hartu ahal izan dut, irakasle gisa.

Nire ardurapean izan diren ikastaroak, nola edo hala, Web 2.0-ren inguruan kokatu dira, baita Internet erabiltzeko era berri hauek ahalbidetzen dituzten aukera didaktikoetan ere.

Hezurrak Gorlizko Elizaren inguruan!

Txomin — Sun, 23 Dec 2007 20:15:00 +0100